تدري ايش اللي يجرح القلب جرحين

السلام عليكم ورحمة اللــــــه وبركاته ..

قصيدة كلماتها مؤثرة .. عجبتني فحبيت انقلها لكم ..

________________________________
_______________________
__________________

تدري وش اللي يجرح القلب جرحين
..................ويمد حبـل الحـزن فيـك ويشـده

انك تناظر طفل مـن غيـر ابويـن
.................يمشي ودمعـة سايـل فـوق خـده

منظر صعب ويقسم القلـب قسميـن
................لا قـام يمسـح دمعـة بكـف يـده

يمشي ولا يدري طريقة علـى ويـن
...............لين التعب من كثـر مـا تـاه هـده

اثقل حـروف يشيلهـا فيـه حرفيـن
...............لا أب يـدريـبـه ولا أم تـــرده

في خطوته رحلـة ودمعـة وسكيـن
................وحـظ توسـد بالمراسـي مـخـده

جيت اسألـة بالله قللـي ولـد ميـن
...............وبغي يجاوب واختنـق صـوت رده

أنـا يتيـم ومـا لدربـي عنـاويـن
...............وجزر الحزن فينـي يسـاوي لمـده

وطعم الطفولة ما عرفته لهـا للحيـن
.............وثوب السعادة صـرت مانيـب قـده

ابكي إلى من شفت غيـري سعيديـن
................ليـن البكـا فينـي يوصـل لحـده

واقف ورحت امسح دموعي من العين
...............وعيني تناظـر دمعتـه فـوق خـده

وهذا اللي يجـرح القلـب جرحيـن
..............ويمد حبل الحزن فيك ويشده

____ منــــــــــــــقووووووول ____



ان شاالله يعجبكم ...